U Montri Rangbah ka Sikkim, u Prem Singh Golay ynne da pynbna u ya ka Regularisation Policy 2024, wow pynskem kreh ya ki 20,000 kiwa kreh chipor namo ki Temporary Employees hapoh uni u bnai ha ki chnat sorkar waphær waphær.
Ya ini da pynbna u ha ka State Level Sonam Lochhar Festival, heiwa da pynbna u ya kani ka Policy ka wow pynskem ya kiwa kreh nadooh ki Muster Roll, Ad-hoc, One Family One Job, Contractual, ICDS, ASHA wa kiwi kiwa kreh hapoh ki Scheme ka sorkar pyrdi.
U Golay da ong u wa da yaklam wei da phyllu bha ki chwa wow chim ya kani ka rai i wow pynskem kreh ya kiwa kreh chipor. Hapoh kani ka Policy da pynkylla ko yeiwa emkaam u kreh chwa 8 snem cha ka 4 snem chwa wow pynskem kam kiwa kreh pura ka sorkar.
Ha ka 9 tarik uni u bnai ha Rangpo, u Golay da ban joor u yei thrang ka sorkar wow pynskem kreh ha ki chnat waphær waphær wei ka Regularisation Policy 2024 ymtoh ka wow pynbna donhi tangwa ka aiñ heiwa i por wa da booh wow pynkrehkaam yaka (Deadline For Implementation) toh hadooh 31 Kmaichonglad 2023, wei kiwa kreh kiwa da pyndep yeiwa emkaam katkam i por chakri (Requisite Service Tenure) u ye u pynskem ya ki.
U Golay da kular u leh wow lait kreh 20,000 tylli chwa u kut uni u bnai hadien wa pynkrehkaam ya kani ka Policy.
Discussion about this post