Ka sorkar jylla da rai ko wow pynthymme ya waroh i krehkaam hapoh ka chnat Meghalaya Energy Corporation Limited (MeECL). Ya ini i rai da chim ha ka yalang yong ki Montri (Cabinet) kawa da man ynne ka sngi.
U Montri Rangbah ka jylla, u Conrad K Sangma da khana u wa ka sorkar da mynjur ko wow phiah noh ya ka kaam Managing Director (MD) wa Chairman yong ka MeECL, wei da rai wow em bait da u MD wa pura yaka MeECL uwa da man kam u sahep IAS, lane da u Tecnocrat uwa tip bha ya i kaam, ya uwa daw thung katkam ki kyndon.
Heijooh i por da khana u wa u MD yong ka MeECL daw man u leh u MD yong ka MePGCL, MePDCL wa MePTCL kiwa toh ki chnat yong ka chnat Bordiñ, katwa u Chairman yong ka MeECL u man da u Montri wa pait ya ka chnat Bordiñ (Power Minister), katwa ki Chairman yong ki chnat toh u man ka kyrdan Chief Secretary wa Addl. Chief Secretary.
