U symbood montri rangbah ka jylla u Prestone Tynsong da pyntip u ynne ka sngi wa yaki pyrtuid yong ki bru wa leh ka sorkar yei booddien namo ka Contact Tracing daw pyntip cha ki Covid-19 Management Committee kiwa da chna haki chnong ki thaw.
Kamwa man kattæ hapoh ka jylla dang booddien yaki 198 ngut wei neiliang ka Committee deiwa ya krehlang wa ki DC ka chnat i chait i khiah u pyntikna ki wa kini ki bru ym mih ki naki thaw wa em ki wow ya khleh wa kiwi ki bru.
Ya ini u sdang nadooh mynstep ka sngi wei kini kiwa booddien hap hi ki wow chong leh yaka Quarantine wa 14 sngi hanla dep Test ya ki wei ym em chah ktah ki. Da pynrap u deiwa ong wa ini ym em mut wa u pynbna paidbah yei pyrtuid yong kini ki bru.
Kamtæ da chim ya kani ka rai yow em ka krehlang yow pyntikna wa kini ki bru bood ki yaki kyndon wa da booh.
Heiyatoh won ki yung wa da khang hapoh Keating Road, Shillong da ong u wa kitu toh ki yung wa em kiwa yoh COVID-19 wei emkaam wow pynman yaki kam ki Containment Area yow tip ki bru wa ym hoi wow psiah cha katai ka thaw.
