theme-sticky-logo-alt
theme-logo-alt
Advertisement ad1
Advertisement ad1

U pynyabi lang ka HSPDP wa ka National Forum yow pynyoh ya ka jylla Khasi-Jaintia

Advertisement ad1
Advertisement ad1

Ka Hill State People’s Democratic Party kawa da lai chakhmat wow yakhun neibynta wow yoh da yong i ka jylla deiwa phiah noh ya ka Garo Hills, daw chong ki ya ka Coordination Committee deilang wa ka Garoland State Movement Committee (GSMC) yow pynlai chaphrang yei dawa jar jiar ka jylla neibynta ki Khasi wa Garo.

U KP Pangniang uwa man leh u President ka HSPDP da ong u wa ka Party da rai ko wow pynman yei yachem wa ka GSMC, heiwa ynne ka sngi da pynkhreh leh da i thoh yow pynche paidbah ya ka yurim wa ki daw wa ka HSPDP da pynmih ko yei dawa wow yoh da ka yong i hi ka jylla.

Hawa kylli, u Pangniang da ong u wa i klam wa ka GSMC da man ko neibynta wow dawa ya ka Garoland wei ka HSPDP daw kyrchaan lang ko ya ka seiñ na Garo, wei kamjooh yei dawa ka HSPDP wow yoh ya ka Khasi-Jaintia State heiwa ka GSMC daw kyrchaan lang ki ya ka HSPDP.

Da ong u wa ka dorkhat wow phah cha ka sorkar India neibynta itai i dawa leh daw chong pyrkhat lang wa ka GSMC deiwa pynrap wa ini i thmu ym toh u kut du hapoh ka jylla Meghalaya, neibhah wa em kamwa 18 tylli ki jaitbru hapoh ka ri India kiwa em ha ka National Forum wei ka Coordination Committee daw law yabi lang ko wa ka National Forum.

Chooh chooh ka yalang yong ka CEC da rai ynne ka sngi wow jied pynthymme noh ya kiwa kitkaam ha ka General Council ha u Kmaichonglad (Dec) uni u snem hadien wa da dooh wow pynman ya ka General Council ha ki 2 snem neidaw wa ban ka khlam COVID-19.

U President ka HSPDP leh da ong u wa ka Party da rai ko wa ha i dap 53 snem kawa daw man ha ka 10 tarik u Khonchonglaad (Nov) uni snem daw pynem burom leh ya kiwa yakhih Hill State, heiwa da em chiboon ki wareh wa ki Volunteer kiwa da chah kset patok nadooh chwa wow yoh ya ka jylla Meghalaya.

Share this:
Previous

U kyrchaan pura ka HSPDP ya u Eugeneson kam u kyrtong ka UDP na Mawphlang

Next

Daw pynman ka ICYM Jowai Diocese ya ka Annual Sports Meet 2021