U pynyoh u Sniawbhalang ya u sarok wa jrong 2 Km neibynta ka chnong Umdeinlin

Ha ka yalang wa da pynman haka 22 tarik uni u bnai ha chnong Umdeinlin heiwa da pynlai da u H. Suchiang deiwa yoh ya ki ktien yahkhmat na u Waheh Chnong ka Umdeinlin wei da yoh leh yei klam na ki kattu katni ki waheh kam u Sumar passah, u Nehemayah Tyngkan wa na u kyrtong ka NPP na 14-Mowkaiaw Constituency, u Warmanshi Shadap uwa da kyrpaad khian ya kiwa chong chnong ka Umdeinlin wow e ki i kyrchaan wa pura ha kani ka MDC Election 2025.

Neiliang u Deputy Chief Minister ka jylla, u Sniawbhalang Dhar uwa da emlang chirup ha kani ka yalang, da yoh u wow sneiñ wow kyntu ya kiwa chong chnong ka Umdeinlin deiwa ong u wa toh u man ki kiwa stat hei wow e ya ka Vote yong ki deiwa e nongmuna u ya uwa yalehbol uwa chut ya ka Tie-Breaker wa hap pyrkhat bha u kammon wow yoh u thap kool wa toh du chisien donhi yoh u chut, kamtæ ka chi Vote ka yong phi man ko ka stieh ka bor neibynta ki san snem.

Da pynkynmo chooh chooh u wa ha u snem 2018 hawa da yoh nyngkong u chna ya ka sorkar MDA-I, ki Self-Help Groups (SHGs) hapoh ka jylla em ki du 4300 tylli katwa katni wan dapoi ki hadooh 50,000 tam iwa pynyoo hadooh katwon kani ka sorkar pyrkhat ko neibynta ki khynthai hapoh ka jylla kamwa tip hei ktien phareng ka Women Empowerment.

Related posts

Kynthiar ka khynnah skur wa dang 9 snem na ka mala wa soo ka sur hadooh wa yap | Chah pynbaad ka skur wa murieh ki yei sabut

November 2, 2025

Kynmoo tympang ka Balang Catholic Jowai yei mynsien kiwa da khlaad kam chibynta ka All Souls’ Day

November 2, 2025

Hawa pynkut yei klam, neiliang u Sniawbhalang Dhar da kular skem u wa i yatylli hi yong ka chnong Umdeinlin u pynyoh ko ya u surok wa jrong 2 Km.