Ki MDC ka United Democratic Party (UDP) kiwa em ha ka Liang Pyrchah ha KHADC, da pynsñiaw ki wa lada pyrchah biang yei pynslem biang ya ka Election MDC hadien wa tip ki yei daw, daw man iwa yoo biej.
Uwa yahkhmat ka Liang Pyrchah, u Titosstarwell Chyne da ong u wa nadooh wa sdang, ka UDP da pynchah ko yei pynyinsur ya ka samoi krehkaam yong ki MDC, tangwa hadien wa da lai bait chakhmat i pynbait thymme ya ki MDC Constituency, kam kiwa mihkhmat daw hap ki wow ya chimbynta neibhah wym ye u suki hi-eh næ wow pyrchah khlem da e yumut.
Hawa kylli hajrong i pynslem biang sa 6 bnai, da ong u wa da lai thooh u yow tip ya ki daw khamtam hadien wa da mynjur ya ka Amendment Bill, tangwa da tip u wa ka sorkar hap ko wow pynkhreh ya ka Election wei daw chimpor kamwa 2-3 bnai.
Da ong u wa kiwa mihkhmat wa MDC da kwah noh ki wow pynman ya ka Election, tangwa neidaw wa da tip ya ki daw, ym yahaap wow pyrchah, heiwa da khana u leh wa da tyrwa ha ka sorkar wow pynman noh ya ka Election ha u Khonchonglad (Nov) næ ha u Kmaichonglad (Dec) uni hi u snem, tangwa ha kini ki bnai leh daw em i eh neidaw wa toh i por Exam ha ki skur wei daw bood sa ka Christmas.
Discussion about this post