Ynne ka sngi ka NPP kam chibynta ka yalap Election MP da pynman ko yaka yalang paidbah ha Yung Club ka Thlongmoo, Iooksi hei emlang u Symbood Montri Rangbah, u Sniawbhalang Dhar, u Montri ka sorkar jylla, u Comingone Ymbon, ki MDC ka JHADC wa kiwi kiwi.
Neiliang u Nehemayah Tyngkan hawa e i klam da ong u wa i daw wa psiah u cha ka NPP toh hadien wa khut u MDC ka Moodymmai u Jesse Suiam, u MLA ka Jowai, u Wailadmiki Shylla, u Sniawbhalang Dhar wa u Comingone Ymbon heiwa da pynman u yaka yalang paidbah wow pynsñiaw yeini heiwa da pdiang ki wow psiah noh cha kani ka Party.
Da khana u leh yaki paidbah ka 13 chnong wa ym em u chah thied u kamwa da klam chawah chaneiñ.
Chooh chooh da ong u wa ki paidbah wa kyrchaan ya oo sam chaphrang wow yah luti ki ya oo.
Da ong u leh wa u sarok na Pyntei cha Saphai wa katni da yoh naka sorkar NPP kamtæ emkaam wow su kylliang noh ya kani ka Party deiwa kyrchaan yaka Dr. Ampareen Lyngdoh kawa man ka kyrtong MP ka Party neibhah wa man ko ka bru kawa da chemphang bha.
Heijooh i por da kyntu u ya ki paidbah wow mih ki deiwa kyrchaan yaka Dr. Ampareen haka 19 tarik deiwa mih dang step yow lait kiwi u thap ya ka Vote yong ki.
Kiwi kiwa da klam kynthup ki ya u R. Biam, u S. Passah wa kiwi kiwi.
Ha kani ka sngi ki paidbah na kylleiñ ka Mowkaiaw Constituency da wan ki cha kani ka yalang.
Discussion about this post