U sdang biang i kreh ya u sarok Shillong-Dawki

U Symbood Montri Rangbah ka jylla uwa pait leh yaka chnat PWD, u Prestone Tynsong da pyntip u ynne wa ki Work Order neibynta u sarok Shillong-Dawki wa kyntup yaka Package 1, 2 wa 4 dadep pynmih wei i kreh daw pteiñ noh i ym slem de.

Hawa yaklam wa kiwa thoh khubor hadien wa yalang, u Prestone da pyntip u wa ka sorkar India lyngba ka NHIDCL da sdang ko yei kreh hapoh ka Package 1.

I kreh neibynta ka Package 2 leh u sdang noh i mar ya poi ki tiar ki tar i wym chimpor de.

Heiyatoh waka Package 4, da ong u wa hanla da dep pynmih yaka Work Order tangwa dang em ki kattu katni ki kot ki sla hap pynbiang da ka Company wa pynkreh da ka NHIDCL. U Prestone da yooluti u wa i kreh yong waroh le u lai bait ki neini chakhmat.