Neidaw wa em ka khlam COVID-19, waroh ki Visa wa da e cha kiwa na baar ri da pyndam ya ki nadooh ynnin snem. Da pynkrehkaam leh ya kiwa boon ki kyndon heiyatoh wow lai cha kiwi ki ri da ka sorkar pyrdi yow kdoh u khoom i poor u khñiang khlam. Hadien won wa pyrkhat yei long i man heiyatoh wa ka khlam, heiwa ya kiwa na baar ri da chah ya ki wow yoh ki ya ki Indian Visa lait noh ka Tourist Visa neibynta wow psiah wei wow neh hapoh India.
Tangwa, ka MHA da yoh ko boon i tyrwa na kiwa boon ki sorkar jylla kamjooh kiwa em ha ki kaam uiñke suwari yow chah biang ya kiwa uiñke suwari wa wan na baar ri. Kamtæ neiliang ka MHA hadien wa yaklam wa kiwa boon nadooh ka Ministry of Health & Family Welfare, Ministry of External Affairs, Ministry of Civil Aviation, Ministry of Tourism wa ki sorkar jylla kiwa yooluti wow wan kiwa uiñke suwari na baar ri.
Neiliang ka MHA da rai ko wow e da kiwa thymme ki Tourist Visa ya kiwa uiñke suwari wa wan na baar ri deiwa chim wai da ki lieñsuiñ nadooh ka 15-10-21. Kiwa na baar ri kiwa wan cha India lait noh kitu kiwa chim wai ya ka lieñsuiñ ye ki u leh ya ini nadooh ka 15-11-21 deiwa yoh ya ki Tourist Visa wa thymme.
Waroh ki kyndon wa yatoh wa u COVID-19 kiwa da dep pynbna chwa da ka Ministry of Health & Family Welfare na ki por cha ki por, hap leh wow bood da kiwa wan na baar jylla, kamjooh ki lieñsuiñ wa wanrah bru chapoh India wa waroh kiwa em ha ki thaw hiar ki lieñsuiñ.
Da ini, ki kyndon wa da booh wow e Visa kamjooh i lai i wan cha baar ri da pynkyllooid ki katkam i long i man wa yatoh wa u COVID-19.
