U Lahkmen Rymbui, uwa man leh kam u Montri ki kaam pohyung ka jylla da pyntip u wa ka dhab ki Montri sorkar namo ka State Cabinet da chong pyrkhat ki yei emkaam wow pynbiang yeiwa emkaam ki khonboo, ki khynnah yow heh u san ki deiwa biang ha waroh i liang kamtæ da mynjur wow sdang noh da ka Early Childhood Development Mission.
U Montri da pyntip u wa hapoh kani ka Mission daw ya krehlang ka chnat Social Welfare, Health, Education wa kiwi de kiwa emkti wow kreh neibynta ki khynnah yow pynyoh yei chait i khiah wa i puræ puthi ki khynnah.
Chooh chooh u Rymbui da pyntip u wa em palat 1500 tylli ki chnong ki wym em hapoh ka ICDS lane Anganwadi wei deiwa em kani ka Mission, ka sorkar da kyrmen ko wa daw ye wow e yarap ya ki khynnah nadooh wa dang khian bha ki.
