Kamwa yah ka juk i rukom kylla i suiñ bneiñ ka pyrthai namo ka Climate Change (Global Warming) da wanrah ko leh yei dawa wow pynemkaam noh da ki kari kiwa khlai duna i tdem, kamtæ da pynchlur leh wow pynemkaam noh da ki kari wa lai da i bordiñ.
Heiyatoh wa ini, u Montri Rangbah (MR) ka jylla Meghalaya, u Conrad K Sangma daw sdang pynemkaam noh u da ka kari bordiñ (Electric Vehicle), heiwa u man ko leh ka sien wa nyngkong wa u Montri Rangbah u pynemkaam u da kam kani ka kari ka wym pynemkaam da i phñiang.
U Montri Rangbah da pynsñiaw u wa man iwa emkaam wa neini chaphrang wow pynemkaam noh da kam kini ki jait kari khamtam wow yada ya ka rymaw.
Heijooh i por da pynchlur u leh ya kiwi kiwa chong chnong wow sdang pynemkaam noh da kam kini ki jait kari.
