U Shangpliang kut wa yut Party u i jooh bait pynbaad u wa kiwi wym biang, ong ka seiñ kynthai ka BJP

Ka State Mahila Morcha BJP namo ka chnat ka seiñ kynthai ka Party da kyntait ko yei pynbaad u HM Shangpliang wa em i leh chiliang wei yachah chiliang wei thung kreh para chi yung chi sem deiwa ong wa da ong u yeini waroh du wow pynksan yei mih noh u na ka Party deiwa kdaw kti cha kiwi wym biang wei yeini i jooh da leh u heipor wa mih u leh na ar tylli kiwi ki Party heiwa ynnin u snem neibynta i myntoi samen yong oo da lai thooh u ya ki thaw wa em ki phlang wa rap yirngam.

Da pynche wa u State President da tyrwa u yei pyrtuid ka Susuki Pariat kam ka BJP State Mahila Morcha President wei ka won da jied ko yei pyrtuid ka State Mahila Morcha Executive Committee deiwa yaklam wei ya pynbait lang wa kiwa ksoh kaam ka Party katkam ki kyndon ka Constitution ka Party ha ka 03-07-23 wei ymtoh deiwa pynbor næ deiwa phah da u Ernest Mawrie katkam wa pynbaad u Shangpliang.

Ka Susuki da pynche ko leh wa ki le ngut ki Mahila Morcha General Secretary da tyrwa yei pyrtuid ki katkam ki kyndon heiwa ya ka Dakaniwan Shullai da thung kam ka General Secretary wa heh wow pait yei pynbiang pyntoh wei wow pynkhreh ya ki Report katwa ka Grace Lanong da e ya ka yei kitkhlieh wow yarap ya ka General Secretary.

Da pynche chooh chooh wa ka Matilda Kharbuki kawa man leh kam ka General Secretary toh kawi na ki dkhot wa da rim dooh ka BJP kawa da psiah chapoh ka Party nadooh i por wa man State President u Khlur Singh Lyngdoh wei da dep ksoh ko boon ki kaam nadooh ka State Mahila Morcha Vice President, General Secretary wa Treasurer heipor wa man State President u Shibun Lyngdoh.

Related posts

Pynbna ka VPP ya ki kyrtong MDC ha ka JHADC wa KHADC

November 13, 2024

Kyntu ki seiñ ki jaitbru ri-loom ka Manipur wow dam u chibynta ha ka Election District Council

November 13, 2024

Kamtæ da ong wa ha iwon i rukom wa deiwa thung ya ka Matilda toh deiwa leh chiliang kawa da dep wow ksoh boon ki kaam wei ini pynyoo wa i pynbaad u Shangpliang toh kiwa khlem yurim wei khlem da tip u chwa wow klam u.

Waroh ki dkhot ka State Mahila Morcha Executive Committee da smai ki wa ym em da jied ya ki deiwa pynbor u Ernest Mawrie katkam wa da pynbaad da u Shangpliang uwa em i thmu wa cha kylla neibhah ym em kawi leh ka dkhot wa da chah thung deiwa emyatoh wa u President næ waka President ka seiñ kynthai.

Da pynkut deiwa ong wa ka BJP ym toh ka Party wa pynlut por yei kaam wa khutia mutia kiwa pyntoh pyntne du chi yung chi sem neibhah iwa hakhmat toh yow pynku ya ka jylla wei wow wanrah yei suk i saaiñ wa i roi i paar ki paidbah.