U su noh ka sorkar T. 2000 cha ki ASHA: Hek

U Montri ka chnat i chait i khiah ka jylla, u A. L. Hek da ong u wa i yachem yong oo wa ki dkhot ka ka Meghalaya Asha Workers Union (MAWU) da man i iwa mihsoh wei da em leh i ya sñiawthooh

“Da ong ya ki hadien ka yalang wow dam noh yei yakhih dam kreh,” da ong u Hek.

ADVERTISEMENT

U Montri da ong u wa katni, ki ASHA da yoh ki du ka bai yarap namo ka Incentive na ka National Health Mission (NHM). “Wei kattu ka sorkar jylla daw pynku ko ya ini i su cha T. 2000 chi bnai,” da ong u Hek.

Hajrong i pynslem wow su ya ka Incentive cha ki wakreh ASHA, da ong u wa nadooh u Naiynñiaw, ka sorkar jylla daw booh ko ya ka Software lynbga i pynsdang krehkaam namo ka Pilot Project na Umling, Ri-Bhoi District heiwa i su ya ka tulop, ki Honorarium wa ki Incentive toh deiwa phah bait cha ki Bank Account ki ASHA.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Hek da pyntip u leh wa heipor ka khlam, ka NHM da su ko da ka Incentive wa T. 1000 cha ki ASHA, “Najrong ini ka sorkar jylla daw e ko sa T. 1000 heipor ka khlam.”

Heiyatoh won iwa dang sah wa toh u yoh kam ka ASHA Benefit Scheme wa ka Meghalaya Maternity Benefit Scheme kawa da sah nadooh u 2011 hadooh u 2018, u Hek da ong u wa ya ini waroh iwa sah daw pynlait waroh ha uni u Naiynñiaw.

Tangwa neiliang ka MAWU da kwah ko wa nadooh kiwa sah yong u 2019 wa 2020 leh toh u su noh. “Da ong i ya ki wa ym ye wow kular tangwa ka dawar ym toh kawa da khang,” da pyntip u Montri.

U Hek da khana u leh wa hadooh u 2018 ka poisa wa dang sah da man ko T. 22 klur.