U Montri Rangbah ka jylla, u Conrad Sangma da pyntip u wa hadien wa dep pynman ya ka yalang waka Meghalaya Integrated Transport Project Team yow yaklam yei pynkylooid ya ki luti syngkieñ ha Shillong lyngba ka poisa wa da yoh lyngba ka World Bank.
Da chim ya ka rai wow thied 20 tylli School Bus khlem pynslem de. Daw thied leh 21 tylli ki Electric Bus wow pynemkaam hapoh sor wa 12 tylli ki Electric Bus neibynta ki kaam uiñke suwari.
Daw sdang leh ya ka Subsidy Scheme neibynta wow wow thied 200 tylli ki kari wow pynemkaam hei rep wa 50 tylli kari wa syad dor yow kit ya kiwa uiñke suwari kawa daw sdang ym slem de.
Kam wow pynkynmoo wa ka sorkar ha ka mang tangka 2022-23 ka sorkar da booh bhah ko wow leh yeini khamtam wow thied ya ki School Bus yow pynemkaam lang ki khynnah wa lai skur yow pynduna ya ki kari hawa lai thooh lai booh skur ya ki khynnah iwa man leh ki por wa joor bha i sahkut kari.
