Ka sorkar Meghalaya da rai ko wow thoh cha ka Airport Authority of India (AAI) wym chah wow hiar ka lieñsuiñ yong ka seiñ kiwa thmu wow lai paidbah namo ka Yatra ha nongbah Shillong kiwa da mut wow wan bait mynstep ka sngi ka 28 tarik da ka lieñsuiñ wa da chim wai ki.
Hadien wa da tip yeini wa da thmu kini ki bru wow pynman ya kani ka Gau Dhwaj Sthapna Bharat Yatra, u Chief Secretary, u DP Wahlang da pynman u ya ka yalang wa jhan deiwa emlang ka DGP, ki SP yong ka Ri Bhoi wa East Khasi Hills kamjooh wa ki Deputy Commissioner.
Hawa klam cha kiwa thoh khubor, u CS da ong u wa ka sorkar daw thoh ko cha ka AAI wym toh u chah u hiar kini bru ha Umroi Airport.
Chooh chooh da ong u wa kini ki bru ym em paan bor ki wow pynman ya kawon kawon ka Rally wei da pyntip u leh wa ki bor wa toh u pait daw bichaar bniah ki heiwa ka Deputy Commissioner da pynkrehkaam ko da ka Section 163 BNSS wei kamjooh daw leh ha Ri Bhoi.
Da ong u leh wa ka sorkar da yaklam ko leh wa ka Central Puja Committee, kiwa da pynsñiaw wym kyrchaan ki ya kani ka Gau Dhwaj Sthapna Bharat Yatra, wei ym tip ki iyi iyi hajrong ini i thmu.
U CS da ong u wa daw chim ki laad yada, heiwa ki pulit daw pynyang ki da ki thaw pynsangeh kari ha u sarobah wei ym em laad wow psiah da kiwi won ki luti.
Discussion about this post