Jowai: Hadien wa u MP ka Shillong, u Vincent Pala da pynbaad u wa yoh bhah ki montri sorkar, ki MDC wa ki pulit na i kit tooh ya u mooyong, neiliang u CEM ka JHADC u, Thombor Shiwat ynne da ong u wa u Vincent toh u pynche u hajrong ini i pynbaad yong oo.
U Thombor da ong u wa hadien i mih ini i pynbaad da pynpyrkhat ko ya ki (MDC) boi em napyrdi ki MDC ka Council kiwa embynta ha kani ka kaam wow lait u mooyong deiwa baam poisa.
Neiliang u Thombor da ong u wa kam ki MDC ka Council kwah ki i pynche na u Vincent wa kam uyi oo u MDC uwa embynta ha kam kani ka kaam wow pynlait tooh namo wow tih tooh ya u mooyong napoh ka Ri-loom Jaiñtia.
Chooh chooh da ong u wa numa yoh deisa ymhoi wow lait tooh khamtam u mooyong neibhah ini ktah bha ko ya ka yarong poisa (Revenue) ka Council kam na ki challan, wei katwa kamtæ ka Council ymyoh de ko ya ka bhah wa toh hok u yoh ko.
Heijooh i por da pyntip u wa ka Council hi pyrchah bha ko ya ini i kit tooh ya u mooyong neibhah wa ktah ko ya i yoh bhah ka Council na ka sorkar jylla.
Discussion about this post