U wai u Modi ya ka Dam wa ar hei heh hapoh pyrthai

Jowai: Hadien 56 snem nadooh wa booh mooyurim ya ka Sardar Sarovar Dam da u Montri Rangbahdooh warim ka ri u Jawaharlal Nehru, ha ka 17 tarik uni u bnai u Montri Rangbahdooh ka ri u Narendra Modi daw wai paidbah u ya kani ka Dam kawa haap leh ha ka sngikha yong oo.

Kani ka Dam man ko kawa jrong dooh hapoh ka ri India wei man ko leh kawa ar wa heh dooh hapoh pyrthai.

Kani ka Dam em ko ha ka wah Narmada hajan Navagam, Gujarat wei da slem u pyndep ya ka na ki daw wa boon khamtam yei ktah ko ya ka Rymaw kamjooh ya ki bru wa boon wa haap yut chnong neidaw wa chlai um nadooh wa pynyieñ ya kani ka Dam hadooh wa da mih ka yaleh mukotduma ha ka Supreme Court kawa da phah pyndam yei chna ha u snem 1996 hadien wa hun ko wa daw ktah joor ko ya ka Rymaw.

U Montri Rangbah ka Gujarat u Vijay Rupani da yaroh u ya u Modi wa 17 sngi nadooh wa man u kam u Montri Rangbahdooh ka ri da ebor u wow pyndep u chna ya kani kawa ka sorkar Congress 7 snem ym e bor ko.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Kani ka Dam u pynpoi um ko cha 2,46,000 Hectare ki thaw rep kam cha ki thaiñ ri-chyiap ka Barmer wa Jalore ha Rajasthan, 37,500 Hectare ki thaw rep wa em cha ri-loom ka Maharashtra wei 0.86 Million Cubic Feet won u man ko kam ka um dih cha ki 131 tylli ki sor wa 9,633 ki chnong khian.