U Prime Minister ka ri, u Narendra Modi daw wai u chisien wai 91 tylli ki FM Transmitter thymme kiwa khlanbor 100W uwi ha ka 28 tarik uni u bnai lyngba ka Video Conferencing yow pynku yei poor ka Radio hapoh ka ri.
Ka Meghalaya daw yoh ko ya ki FM Transmitter kiwa thymme ha Nongstoin wa Williamnagar. U FM Transmitter ka Community Radio Station (CRS), Nongstoin daw krehkaam ko ha u 100.1 MHz FM Band katwa uwa ha Williamnagar daw krehkaam u ha u 100.9 MHz FM Band.
I bor uwi u 100W Transmitter toh 400 Sq. km yow pynwyrngai kamjooh wow e sikai ya kiwa chong chnong ha ki chnong wa da man sor wa kiwa jngai na sor heh.
Ha CRS Nongstoin wa Williamnagar daw embyntalang u Montri Rangbah, u Conrad Sangma lyngba ka Internet deiwa em leh ki bru wa paawkhmat ha Nongstoin wa Williamnagar chirup wa ki heh sorkar ha kini ki ar chnong.
Kini ki 91 tylli ki 100W FM Transmitter wa thymme toh kiwa da booh ha 84 tylli ki District wa em ha 18 tylli ki jylla wa 2 tylli ki Union Territorie kiwa kynthup ya ka Bihar, Jharkhand, Odisha, West Bengal, Assam, Meghalaya, Nagaland, Haryana, Rajasthan, Uttar Pradesh, Uttarakhand, Andhra Pradesh, Kerala, Telangana, Chhattisgarh, Gujarat, Madhya Pradesh, Maharashtra, Ladakh wa ha Andaman & Nicobar Islands.
Kini ki FM Transmitter daw pynyoh FM Radio Service ki cha 2 klur ngut ki bru kiwa em hei thaw wa heh 35,000 sq km.