U Prime Minister ka ri, u Narendra Modi daw lai hiar u cha Arunachal Pradesh ha ka 19 tarik uni u bnai yow wai ya ka Donyi Polo Airport wa em ha Hollongi, Itanagar, Aunachal Pradesh wei kani u man ko leh ka Greenfield Airport wa nyngkong dooh ka Arunachal Pradesh.
I kyntien Donyi mut ka Sngi katwa Polo won mut i u Bnai wei ya kani ka Airport da chna hei thaw wa heh 690 Acre hei lut wa T. 640 klur. Da em ko leh ya ka sarok wa jrong 2300 Meter wow hiar ki liensuiñ wei kawa da chna yow pynemkaam waroh chi snem deiwa em ya ka Airport Terminal kawa man katkam ka juk wa katni.
Kani ka Airport toh kawa hoi u hiar leh ki lieñsuiñ wa heh iwa daw yarap bha ya ka Arunachal Pradesh yow pynku ya ka khayi pateiñ kamjooh leh ya ka kaam uiñke suwari.
Kam chibynta wow pyrchang ya kani ka Airport, ha ka 15 tarik uni u bnai da wan hiar ka lieñsuiñ chipai IL 76 Gajraj heiwa da ye ko wow hiar deiwa suk.
U Prime Minister daw wai u leh ya ka 600 MW Kameng Hydro Power Station kawa da chna hei lut wa T. 8450 klur wei da chim ko yei thaw wa jrong 80 kilometre ha West Kameng District ka Arunachal Pradesh, wei da kani daw pynman ko ya ka Arunachal kawa pahooh hei bordiñ wei daw saam ko leh ya ka bordiñ cha ka ri.
