Jowai: U Prestone Tyngsong uwa man leh kam u symbood montri rangbah ynne ka sngi ha ka yalang ki montri namo ka Cabinet Meeting da pynbna u wa da chim ya ka rai ka sorkar wow wanrah ya ka rai wow pyntipmit noh ya ka ktien Khasi wa Garo hapoh ka 8th Schedule ka riti synchaar ka ri.
Ya ini da ong u daw wanrah leh ha ka dorbar chna aiñ ka sorkar ha kini ki sngi manda toh i por wow pynbna ya kani wei ya kani ka rai leh da yooluti ym em wow pynwit ka wei waroh daw mynjur noh ya ka.
Heijooh i por leh u Prestone da ong u wa manda lai cha ri-loom Garom hap klam dei ktien phareng kamjooh leh ki Garo hawa wan ki cha i hap klam ki dei ktien phareng wei da ong u leh ym em ka yakhih wow pyn psiah ya ka ktien Garo hapoh ka 8Th Schedule tangwa neiliang ka Cabinet da mynjur ko wow wanrah ya kani ka phang hapoh ka Dorbar.
Hawa kylli won lada ym em ka yakhih namo ki kyndon wow pdiang ya ka ktien Garo, u Prestone da ong u wa ka sorkar da sniaw ko wa da biang wow chim ya ka rai wow tipmit noh ya waroh kini ki ar ktien wei ha ka Dorbar lada sniawhun ko ya ini, daw rah leh ha khmat ka sorkar pyrdi ya ini i dawa.
Discussion about this post