U Montri Rangbah ka Meghalaya, u Conrad K. Sangma ynne da pyntip u wa ka sorkar daw wanrah ko ya ki kyndon wa thymme namo ki Standard Operating Procedure (SOP) yei pynemkaam Siren, i biah yit yong, wa ki light wa pynthaba hapoh ka jylla deiwa pyntikna wa daw pynkrehkaam ki deiwa khor yow pynduna yeiwa chah ktah ki paidbah.
U Conrad da ong u wa da yoh u chiboon ki ujor pyrchah ya kawa ong ki bru kam ka VIP Culture wei ini man i iwa sñiawkhia tangwa hap leh wow pait yeini na waroh ki liang wei kawi toh ka yada wa emkaam wow em tangwa hawa leh yeini deiwa man ko kamwa leh kmai da man ko iwa leh bakla wei manda leh kamni tæ mih i eh i khor.
Da pyntip u leh wa dadep khut yalang u ha ka tayaaw wa dep wa emlang u Symbood Montri Rangbah uwa pait leh ya ka chnat Kaam Pohyung, u Prestone Tynsong, u Chief Secretary, ka Director-General of Police (DGP) wa ka chnat pulit yow pynkhreh da ki SOP yow chim rai kiwon wa ye u pynemkaam Siren, ki Tinted Glasses wa ki Flickering Lights. Wei hadien wa dep u leh yeini daw pynkrehkaam ki deiwa khor bha.
Chooh chooh da khana u wa ya kini ki SOP daw wanrah ki hapoh ka Cabinet ha ka tayaaw wow wan, tangwa da ong u wa kitu kiwa em hapoh ka kyrdan wa toh u yada kam ki Z Plus, Z wa Y; ya kini da em chwa ki kyndon wei ym ye u pynkylla ki.
Discussion about this post