Jowai: Ka Football Academy of Meghalaya (FAM) kawa man ka chlem e sikai yalehbol kawa em hapoh ri-loom Jaiñtia u yakrehlang ko waka Government Boys Higher Secondary School, ha ka bynta ka kaam wow e sikai yaleh bol neibynta ki khynnah kiwa da chah jied ha ki Trial wa da dep pynman neibynta ki kyrdan waphær waphær wa da bynta katkam ki rta yong ki khynnah yalehke.
I thmu yong ini i yatoh lok wa kani ka skur toh wow pynbiang yaka puræ puthi wei heijooh i por ka Government Boys da e kyllooid mynsien ko yaka madan yong ka wow pynman ya i e sikai yalehbol wei daw chna leh yaka Gym yow pynkhlan ya i doh i pran kiwa chah e sikai.
Neiliang ka FAM lyngba ka North East Indian Goal (NEIG) kawa man ka seiñ wa mantre yaka FAM da e khublei kyrpang ko ya u P. Passah (Govt. Boys HSS, Jowai), ya u Spycer Lyngdoh (Sports Secretary, Govt. Boys HSS, Jowai), ya kiwa sikai kani ka skur kiwa da e yei kyrchaan ya kani ka kaam yalehbol wa ya u Kyrmen Shylla uwa da e yei kyrchaan wa uwa emlang waka NEIG kamjooh waka FAM.
Discussion about this post