theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Ka kabu ksiar ya ki Party ri-loom wa yachruit ki National Party: Martle Mukhim

Advertisement ad1

Ka Hill State People’s Democratic Party (HSPDP) ynne ka sngi da thung ko ya ka Central Election Committee neibynta wow pynkhreh ya ka Election MLA kawa daw man ha u snem wow wan heiwa da jied 7 ngut ki dkhot hapoh i yahkhmat u Chairman, u Witting Mawsor.

U President ka HSPDP, u KP Pangniang da pyntip u wa i thmu yong ka CEC toh wow thooh ya ki kyrtong ki wow yakhun ya ka Election MLA na ka Party, da i ya krehlang wa kiwa yahkhmat ha ki District wa ki Unit waphær waphær neibynta wow yoh ya ki kyrtong kiwa biang ha u snem 2023.

U Organising Secretary ka HSPDP, u Samlin Malngiang da ong u wa ha ki snem wa dadep, ka Party krehlang ko waka United Democratic Party (UDP) hapoh yong ka Regional Democratic Alliance (RDA), tangwa ha kani ka kynti ka HSPDP ym pu chim ko ya kawon kawon ka rai wow pynkut lane u pynskem ya ka RDA kat hadooh wa da yachem lang yong ki ar Party, heiwa da pynrap leh wa neiliang ka Party ka sñiawskem ko wow pynkhlan yei yatoh wa waroh ki seiñ ri-loom.

U Martle Mukhim uwa man uwi uwa yahkhmat da ong u wa ka HSPDP ka kwah ko wa ki kam ki seiñ ri-loom lane ki seiñ tre ri u man ki kiwa khlan wow pynlai ya ka sorkar wa ka synchaar khaddar ha ka jylla. Da ong u wa heiyatoh waka RDA man ko kawa khlan wei dang pteiñ hadooh katni, tangwa kamwa jooh man hadien 5 snem daw em biang ka Election wei ka HSPDP ka kwah ko wa ha kani ka kynti daw pynkhlan yei yatoh hapyrdi ki seiñ ri-loom wa ka Party wei wow thooh leh ki laad ki luti.

U Martle da ong u wa ha kani ka kynti daw chim ya ka kabu kammon wow sñiawthooh yumut para seiñ ri-loom neibhah wa da slem bha wa ki seiñ ri-loom ym yoh chong dei ki wow synchaar ya ka jylla. Da ong u wa kani toh ka kabu ksiar neibhah wa ki seiñ ri thor næ ki National Party u dait ya chruit ki para ki. 

Share this:
Previous

Ki 12 tylli ki thaw wa yakajia ym haap ki hapoh ka jylla Meghalaya: KP Pangniang

Next

U yakhih biang kiwa sikai SSA lada ym pynlait ka sorkar 2 bnai ka tulop: MSSASA