Hadien wa chah pynhaap u CEM ka GHADC, u Benedic Marak ynne ka sngi hei pynyoo bor ha ka ‘No Motion Confidence Motion’, i jied ya u CEM wa thymme daw pynman ya ka ha kani ka 31 tarik wei ya kani ka chuki daw yaleh da u Chairman ka GHADC, u Rakesh A. Sangma uwa da ieh noh yei man Chairman yow yakhun ha ka Election jied CEM.
Ya u Rakesh A Sangma da pynyieñ da ka liang synchaar wa yahkhmat da ka NPP.
Tangwa neiliang u Benedic Marak leh da thap pyrtuid u wow yakhun man CEM biang deiwa yoh kyrchaan na ki MDC ka liang pyrchah kitæ ka Trinamool Congress wa arngut ki MDC ka BJP.
Kam wow pynkynmoo wa ynne u Benedic Marak da rem u ya ka No Confidence Motion da 15-13 Vote hadien wa ka liang synchaar wa yahkhmat ka NPP da pynbaad ki wa em i pynemkaam bakla yaka poisa ka sorkar pyrdi wei wa da sdang u wow lai yatoh lok waka liang pyrchah wa em ka Trinamool.
Ka NPP kattæ da em ko 16 ngut ki MDC katwa ha ka liang pyrchah da em ki 13 ngut.
Puræ leh: Chah pynrem u CEM ka GHADC ha ka No Confidence Motion
