U MLA ka North Shillong, u Adelbert Nongrum da e khublei u ya ka sorkar wa da yaklam ko hajrong i dawa wow pynyinsur ya i rta thap kreh sorkar heiwa da ong u wa u pdiang u yeini hadooh wa yoo u yeiwa sakhiat.
Ka dhab ki Montri (Cabinet) ynne ka sngi da yaklam ko hajrong ini i kaam wow pynyinsur ya i rta yaleh kreh na ka 32 snem cha ka 37 snem tangwa daw chim ko ya ka rai wa khaddooh hadien wa bichaar lut liang wanang.
Kam wow kdaw heini, u Adelbert Nongrum neipor cheipor da dawa u wow pynyinsur ya i rta wow thap kreh sorkar cha ka 37 snem wei man ko kawi na ki phang wa da chong kylleiñmyngngor yeiwa da sdang nadooh ynne ka sngi.
Hawa klam wa kiwa pathai khubor da ong u wa emkaam wow pynsñiaw cha ka sorkar neibhah wa i por da dawa i wow pynkrehkaam noh yeini deiwa pynrap leh wa ynne ka sngi toh du i pyrkhat hapoh ka Cabinet wei daw yang u hadooh wa yoo sakhiat wa i dawa da man iwa krehkaam.
