Shillong: Ka Khasi Hills Autonomous District Council (KHADC) da rai ko wow e yarap poisa cha waroh kitu ki Quarantine Centre ba wa pynlai da ki dorbar chnong kiwa haap hapoh u pood u ang ka KHADC.
Hawa klam ynne ka sngi, u Chief Executive Member (CEM) ka Khasi Hills Autonomous District Council, u Titosstarwell Chyne da pyntip u wa ka Executive Committee da rai ko wow e yarap cha waroh ki Quarantine Center wa da pynbait da ki dorbar chnong, i yarap man i katkam i em wa i heh kitai ki Centre.
Da ong wa neiliang ka KHADC da pynchlur ko yaki dorbar chnong wow chimkhia, deiwa kyntu yaki wow booh ya ki Quarantine Centre neibynta kitu kiwa chong chnong kiwa liwan na kiwi ki jylla, wei hawa yoo yeini i smat yong ki dorbar chnong wow chimkhia, ka Council da sñiaw toh ko wow kyrchaan deiwa yarap katwa ye.
Da ong wa kitu ki Quarantine Centre kiwa emkaam ya i yarap, kiwa yahkhmat yaka chnong kiwa pynlai ya kitai ki Centre toh u thoh wei phah yei yutip wa bniah cha u MDC yong ki, wei toh u pynpoi hapoh ka 30 tarik uni u bnai.
Discussion about this post