U President ka Voice of the People Party (VPP), u Ardent Miller Basaiawmoit da ong u wa i wanrah ka sorkar ya ka pynkhle nasib Easy Lottery daw pynmyntoi ko du ya ki kattu katni tangwa ki paidbah wa boon ym yoh myntoi ki iyi iyi.
Da ong u wa kani ka luti ymtoh kawa bha wow e kyrchaan ya ka sorkar wei ka Party daw chong ko wow yaklam hajrong ini ha kini ki sngi wow wan wei daw thoh cha ka ka sorkar.
Da ong u leh wa nachwa ka jylla da pyrchah ko yei thmu ka sorkar wow wanrah ya ka Casino wei ki paidbah ha ka jylla leh da ood ki yei ktah ha ka kamai kajih wei wot du nei khwe dakha da em ki manyung kiwa da ood iwa da pynman ya ki bru wow kyrni ki neidaw wa da yabeh cha katæ ka khusnaam kawa heh heithaw wow pyndap khoo ya ki khon.
Kamtæ da ong u wa hajrong ini, ka Party daw chong pyrkhat ko ya kattæ tangwa da klam che wym toh ka luti kawa biang wow kyrchaan yeini wa leh ka sorkar.
Kam wow pynkynmoo wa ka sorkar jylla ini wa dep da sdang ko ya ka Easy Lottery kawa Rs. 50 klur ya kiwa jop.
Discussion about this post