Ka Mynsngat Khanduli Development Committee (MKDC) hadien i yachem ko wa u MLA ka thaaiñ naka Nartiang Constituency, u Sñiawbhalang Dhar uwa man leh kam u Montri sorkar ha ka kamra krehkaam yong oo ha ka 25 tarik uni u bnai da pynsñiaw ki yei sñiawngooh wa khroo neibhah wada pynman kaam u yei dawa yong ki iwa kynthup wow pynyoh Block thymme hapoh ka thaaiñ wa tip kam ka Namdong C&RD Block, wei kamjooh leh u pynku kyrdan yaka Namdong PHC cha ka CHC.
Neiliang ka Mynsngat Khanduli Development Committee (MKDC) lyngba u President yong ka, u Denis Dkhar pyntip u wa haka 21-11-2022 daw man ka sngi wow sah kynmoo yaka Constituency waroh kawi neibhah wa daw booh ya u mooyurim ka C&RD Block kamjooh u wai yaka CHC Namdong ha katai ka sngi.
Da ong u wa u MLA da yarap u leh wow pynyoh umkor lyngba ka Scheme JJM kawa da mang T. 47 klur neibynta ki 12 chnong wa haap hapoh ka thaaiñ Namdong wei ya uni u mooyurim leh daw wai ha katai hi ka sngi.
