Uiñ biang 7 ngut kiwa kyrchaan ya ka Congress cha ka UDP Mowkaiaw Circle

Jowai: Ka seiñ UDP Mowkaiaw Circle da pdiang burom ko ya ki 7 ngut kiwa kyrchaan yong ka seiñ Congress naka chnong Umdeinlin ha yung yong u MLA ka Mowkaiaw Constituency, u Nujorki Sungoh.

Ha kani ka yalang pdiang burom ya kiwa psiah kam ki dkhot yong ka seiñ UDP da pdiang burom da u President yong kani ka seiñ UDP Mowkaiaw Circle u Eleazer C Dkhar.

“I psiah i cha ka seiñ UDP toh neidaw i yoo jngai wa ha kani ka thaaiñ ki paidbah maya ki ya ka Party UDP wei ymye i u leh yeini nachwa nadooh i por wa dang man MLA u Mihsalan Suchiang uwa man leh u pa yong u MLA wa katni. I ym jooh ieh i ya oo wei da kyrchaan bait i oo tangwa ha kani ka Election MLA wa dadep neidaw wa em u kyrtong na jan chnong kamtæ da toh ieh noh i ya ka party wa maya i. Katni sñiawthooh i wow uiñ biang cha ka party kawa em i chaniah wow krehkaam neibynta yong u paidbah.” ong u Phamris Lyngdoh

“Nga psiah O cha kani ka Party UDP neidaw wa yoo O ya ka mynsien wa i rukom krehkaam yong u MLA u Nujor Sungoh. Wei nga kyrmen wa daw kreh hok u neibynta ka bha ka miat wei da jooh em i ha ka Party nachwa wei na ini i daw da psiah biang i cha ka party.” da ong u Harman Phuli.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Neiliang u President ka UDP Mowkaiaw da pynsñiaw u yei sñiawkmen wei da kyntu u ya ki dkhot wa thymme wow krehlang da i mynsien wa ya sñiawthooh yumut khnang yow ye chooh chooh wow pynwan dur ya ka rukom krehkaam kawa khlan ha kani ka thaaiñ wei da kyrmen u leh wa kiwi leh daw uiñ biang ki cha ka seiñ UDP.