Uiñ biang u MDC ka Nongstoin cha ka HSPDP

Shillong: U LG Nongsiej, MDC ka Nongstoin Constituency, ynnin i janmiet da uiñ biang u cha ka Hills State People’s Democratic Party (HSPDP). Uni u MDC uwa jooh man leh u Chairman warim ka KHADC, toh u MDC ka People’s Democratic Front (PDF) ha chwa wow uiñ biang u cha ka HSPDP.

Da pdiang burom ya oo da kiwa yahkhmat ka party wa kynthup ya u KP Pangniang, President, ki MLA ka HSPDP wa kynthup ya u Renikton L Tongkhar wa u Samlin Malngiang (uwa man leh u MDC), ki MDC wa kynthup ya u Mansturdy Nongrem wa ka Teilinia Thangkhiew wa kiwi kiwi ha ka yalang wa pynman ha yung u MLA ka Mawkyrwat u Renikton L Tongkhar.

Da ini i psiah u LG Nongsiej, ka HSPDP kattu da em ko 4 ngut ki MDC ha KHADC kawa e kyrchaan ya ka Khasi Hills Democratic Alliance (KHDA).

Kam wow pyn-kynmoo wa u LG Nongsiej da mihkhmat u la ar sien ya ka Nongstoin Constituency cha ka Yung Dorbar chna aiñ ka KHADC na ka HSPDP, wei da yut noh u naka HSPDP ha u snem 2015 ha chwa wow psiah u cha ka PDF.

Related posts

Kyntait ka Agatha Sangma wow man ka kyrtong MP cha Rajya Sabha

May 29, 2025

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Da ini i yut u LG Nongsiej, ka PDF da hiar ko i em bru ko cha 10 ngut heiwa 3 ngut toh kiwa kyrchaan ya ka KHDA katwa 7 ngut won kiwa chong ha ka liang pyrchah.

“Man i kmen wa khroo ya ka Party wow pdiang biang ya u LG Nongsiej, ha-o neidaw wa ya tynkgkhooh kaam wa i eh wa yachem u ha ka luti lai krehkaam ka party, da mih noh u, wei da pdiang biang ya oo hadien wa da chong pyrkhat yillu bha wei kwah i leh u em ka ya tylli hapoh ka party chwa wow lehkmen yei dap 50 snem ka party ha uni u Khonchonglaad (Nov) 2108,” ong u KP Pangniang.

U LG Nongsiej, da ong u, “I daw hi toh nga da jop O la ar sien ya ka Election MDC na ka HSPDP wei nga kwah O wow neh ha ka party. Tangwa ha ka lai luti em ki bynta wa kynrum kynram i wym ya bait hadooh wa da poi u pood hadooh wa nga haap mih noh O chipor naka HSPDP .”

U LG Nongsiej ha kani ka Election MLA da yakhun pyrchah u ya ka HSPDP ha ka Election MLA wa dang dep na ka PDF wei chah pynrem u.

“Hadien ka Election MLA da pyn pyrkhat ko ya nga wa kiwa kyrchaan yong nga wa lada man ko kawa ye wow uiñ biang cha ka HSPDP kawa man kam ka yung yong nga wei ym em daw O leh iyi iyi ya ka PDF toh du neidaw ka ym suk i mynsien O.” da ong u Nongsiej.