Uwa chong chnong ka Moolang, East Jaiñtia Hills District, u Regeenal Shylla, ynne ka sngi da lai booh FIR u ha u SP ka Cyber Crime Police Station Meghalaya wa ha u SP ka East Khasi Hills District pyrchah ya kawi ka Facebook Account kawa pynlai ya ka Facebook Page wa e pyrtuid Ri Pnar Students Union kiwa da thaad yei dur wei pyrtuid yong oo.
Kani ka Facebook Page ha ka 23-05-26 da booh ko yei dur u Regeenal deiwa thoh ki kyntien wow klam beiñ wei yoobeiñ.
Ha ka 27-06-26 kani ka jooh ka Facebook Account da booh biang ko yei dur u Regeenal deiwa klam beiñ wei khut pyrtuid oo kut jait.
U Regeenal da ong u wa deiwa leh kani ka Facebook Page, da pynpoor kiwi leh yei dur yong oo ha kylleiñ ka Khasi wa Jaiñtia Hills hadooh wa da ktah yei sñiaw kam u bru neiwa chah dai sarom u.
Chooh chooh da ong u wa kani ka Ri Pnar Students Union da mang ko wow klam beiñ ya kiwi leh hadooh wow wanrah yei sñiawthooh bakla hapyrdi ki Khasi wa ki Jaiñtia.
Kamtæ da dawa wow leh yeiwa emkaam pyrchah ya kini wa emkti wow pynlai ya ka Facebook Account deilang ka Facebook Page.
Discussion about this post