Ujor FIR ka HSU pyrchah ya ka VEC ka Mukhla wa u Gram Sevak

Jowai : Ka seiñ Hynniewtrep Student Union (HSU-Seiñbei) lyngba ka RTI kawa da yoh ki na ka ophis yong ka BDO, Thadlaskein da chem dien ko yei duna i rukom pynkreh ka VEC yong ka Mukhla ya ka scheme MGNREGS hei wow chna ya i chram pood yung ki bru ha ki ar tylli ki thaw ha Mukhla Mission wa ka Mukhla Nongrim wei toh iwa ym em leh katkam ka Work Order.

Katkam ka jubab RTI da ong wa da pyllait poisa T. 23,14,200 ha ka 12.02.15 yow chna ya i chram luti wa jrong 625 meter wei i rynyieñ wa 1.5meter. Ya ka poisa da yabhah T. 15,07,050 kam ka nongsngi wa T. 8.07.150 kam ka bai mar.

Hei li sylli ka seiñ HSU ya ini i kreh da chem wa chna du 330 meter donhi ya kini ki chram ym toh 625.31 katkam ka Work Orde No. TDB/NREGC-MEG/W.O/2014-2015/71.

Kamtæ ka seiñ da li booh FIR ko wa ki pulit ka Jowai Police Station pyrchah ya ka Mukhla VEC, u Gram Sevak wa ka Social Audit Team hajrong i rukom pyrnkreh ya ini i kær pood ha kini ki ar tylli ki thaw.