Ujor ka Congress sa ya arngut ki MLA wa yut cha ka AITC

Ki MLA ka Congress hapoh i yahkhmat yong ka Dr. Mazel Ampareen Lyngdoh ya ka Congress Legislature Party (CLP) da lai ki wow ujor dei thoh ha u Chongknor ka yung dorbar chna-aiñ pyrchah sa ya ki ar ngut ki MLA kiwa yut na ka seiñ, kitæ ya u Charles Pyngrope wa ya u Shitlang Pale.

Ka Dr. Ampareen da pynsñiaw ko yei sñiawskem wa u Chongknor, u Metbah Lyngdoh daw e u yei rai, deiwa ong wa ini i kynthiar seiñ yong ki 12 ngut ki MLA ka Congress ym toh wow suki hi-eh neibhah wa ka 10^th Schedule toh ka aiñ wa yillu bha, wei ya kini kiwa yut seiñ toh u pynkrehkaam ya ki kyndon pyrchah ya ki.

Da ong ko wa ini i ujor ym toh wa ka Congress kwah ko wow pyrchah ya kiwon kiwon na kini ki MLA, tangwa toh wow syndong ki khnang wa ha u snem 2023 ki paidbah u sñiawthooh bha ki, heiwa da ong leh wa boon ki MLA ym pu sñiawthooh bha ki ya ka 10^th Schedule wei da leh wow ujor uwi hadien uwi.

Kiwa yahkhmat yong ka CLP da ong ki wa ka Party ym tipmit ki ya kani ka kynhun, tangwa da chim wa ini i mih toh dei samen samen neibhah ym em ka kynhun kawa pynsñiaw, tangwa da rai bait ki wei da ong wa daw mih noh deiwa em ki ar bynta na ka le bynta (Two-Third).

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong ko leh wa ini toh ka luti wei ka sikai leh ya ka Congress wa ya kiwi ki seiñ saiñpyrthei, kamjooh ya ki paidbah khnang wow sñiawthooh, deiwa pynrap wa ka Party hadien wa da yatai wa ki stat aiñ da chem wa em ki kyndon wa ki 12 ngut ki MLA wa da mih ym em pyndep deiwa mih noh na ka Party.

Da ong ko wa ki paidbah toh u bichaar bha ki neibhah wa toh i sneiñ ya waroh arliang, wei lada ka Congress chah rem ko ha ini i ujor, daw yoh yei sneiñ wei lada jop leh kiwi daw yoh ki yei sneiñ.