Ujor ka CSWO yei kit mooyong wei pynhaap mooyong ha u DC ka WJH

Jowai: Ka seiñ CSWO da ujor ko cha u DC ka West Jaiñtia Hills hei yatoh wei kit palat pood ya u mooyong kamjooh leh yei pynhaap moo ki truck ha chiteiñ luti.

Ha ka chithi wa da e kti ha u DC, ka seiñ CSWO da kam ko wa u mooyong wa mih na East Jaiñtia Hills da kit ya oo lyngba ka West Jaiñtia Hills iwa man pyrchah ya ka hukum ka NGT kawa da ong wa ya u mooyong na East Jaiñtia Hills toh u lai u cha Assam lyngba ka Garampani.

Ka seiñ leh da ong ko wa ki truck wa kit mooyong toh kiwa kit palat pood wei ym em leh biah ki ya ki kot ha ka it ka truck wa toh u ong “Coal Transported Under NGT Order.”

Ka seiñ da chem ko wa ya u mooyong da em wa noh ha rood sarok NH-44 ha Mookyndur iwa man leh iwa tyngkheiñ ya ki hukum ka NGT kawa ong wa toh u lai bait ki khlem pynhaap ya u mooyong.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Da ong chooh chooh wa ini i noh mooyong ha rood sarok daw ktah joor ko ya ki um wa em ha Pynthor Sung ka thaw rep kba ki bru.

Photos contributed by CSWO