Ka Hynniewtrep National Youth Front-West Jaiñtia Zone da ujor ko ha u Deputy Commissioner ka West Jaiñtia Hills hajrong wa sih ware u sarok Jowai Bypass hadoooh wym yoo lait de u lai ki kari khian leh.
Kamtæ ka seiñ da e ko dei thoh cha u DC yow yaklam wa kiwa toh u pait ya ini i kaam yow pynchna smat ya utai u sarok yow suk ki paidbah u lai u wan.
Ka seiñ da ong ko wa katkam wa man kattæ i khrong dan na ki paidbah dang lai ko chakhmat dei wym bood ya ki kyndon ka Contraqct wow pynchna ya u sarok lada sih u malu mala leh wei ym toh wow yang hadooh wa sih, hadooh wa ktah yei lai i wan ki paidbah.
Hajrong ini, ka seiñ u yang ko kattu katni sngi yow pait kammon leh kiwa toh u pait ya ini i kaam hadien wa ujor ha u DC.
Ha iwon won i liang, ka seiñ da kylli wei da yaklam ko wa u DC heiyatoh wa ki yaw wa wai chisien chi tayaw, heiwa u DC da jubab u deiwa ong wa lada ki Market Committee lane ka Committee chnong da kwah ki u wai noh ya kini ki yaw, hap ki wow paanbor na u DC deiwa thoh cha oo khnang wow yoh bor ki u pynman ya ki yaw kiwa jooh man chisien chi tayaw.