Ynne ka 9 tarik, ka KSU North Khasi Hills District Unit lyngba ki chnat krehkaam waphær waphær da lai thung ki da ki Signboard cha ki bynta khappood yow pynsñiaw cha ki chkoor ka sorkar ya ki phang dawa ka jaitbru.
Ka KSU Western Border Area da pynyieñ ko ya ka Signboard ha Balakhawa kawa haap ha khappood wa ka jylla Assam, da pynyieñ leh ya ka Signboard ha Iew Mawroh kawa haap hapoh ka Hima Jirang wa em ha khappood Assam kam wow pynkynmoo yei dawa ILP wa u pood u ang. Ka Balakhawa toh kawa haap hapoh i pait yong ka Hima Nongspung heiwa ka Assam ka da jooh kyntur pood ko na i por cha i por khamtam wow yoh pynkreh ya u sarok.
Ha kani ka jooh ka sngi ka KSU Pahammawlein Arphew Mer Circle, da yoh ki wow seh ya ki Signboard ha Umling Entry Point.
Neitæ ka KSU Northern Border Area da lai ko leh wow seh da ki Signboard ha Khanapara, Raid Marwet ha tymbood u sarokbah.
Kini ki Signboard toh kiwa kylli leh na ka sorkar MDA cheiwon wiar ka MRSSA, i yoh wow psiah ka ktien Khasi ha ka 8th Schedule, ym toh u lai kajiak leh i thaw cha ka Assam wei wow pynbait smat noh ya u pood wa ka Assam wei wym toh wow dai lilam yei thaw cha ka Assam.