15 49.0138 8.38624 1 0 4000 1 https://wyrta.com 300 0

Ujor ka HYC-JH pyrchah ya ki 10 ngut ki Nepali wa pynpsiah pyrtuid kam kiwa thap Vote ha Mihmyntdu

0 Comments
Advertisement ad1

Jowai: Ka seiñ Hynñiewtrep Youth Council (HYC) Jaiñtia Hills ynne ka sngi hapoh i yahkhmat u President yong ka u Damanleki Lathong wa u Vice President yong ka u Mewathi Suchiang da lai e dorkhat ki ha u sahep wa pait ya ka tnat Election ka West Jaiñtia, u B.J. Kharshandi.

Ka seiñ ha ka dorkhat da dawa ko wow pyndam noh yei pyrtuid yong ki 10 ngut ki Nepali kiwa da pynpsiah pyrtuid ha ka Electoral Roll, kiwa chong wa sah ha Mihmyntdu.

Advertisement ad1

Neiliang ka seiñ da kylli ko wa kammon u ye kini ki bru u yoh EPIC hawa man ki ki Nepali wei kiwa ah phlang ah ranem wei kiwa dai dud hi-eh.

Heijooh i por da ong ko wa kini ki Nepali da yoh ki ya ka Temporary Residential Certificate na ka Dorbar Chnong Mihmyntdu wei deiwa pynemkaam ya ka da pynpsiah pyrtuid ki ha ka Electoral Roll.

Neiliang u Kharshandi da kyntu u ya ka seiñ wow ujor ki yeini lyngba ka Form 7 wei hadien ini u Electoral Roll Officer (ERO) daw phah hajir u ya kiwa chah ujor kamjooh ya kiwa ujor wow bichaar ya ini i kam yong ki wei hadien wa chem yeiwa sakhiat daw leh yeiwa emkaam.

Hejooh i por da kyntu u ya ka seiñ wow pynsñiawthooh ya ki Dorbar Chnong wow man ki kiwa husiar hawa e ki ya ki Residential Certificate kamjooh leh wow wan ki chaphrang hawa em i artatien yei man tre ri u namo ka bru.

Advertisement ad1

0 Comments

Leave a Reply