Ujor ka JNC cha u DC yei wym ye ka MRB-Sutnga Branch wow pynrehkaam ya ka PM-KISAN

Ynne ka sngi, ka JNC-Sumer Circle hei yahkhmat u Sakilan Chyrmang kam u President da ujor ki ha u DC yei wym ye u pynkrehkaam ya ka PM-KISAN Scheme da ka Meghalaya Rural Bank-Sutnga Branch, East Jaiñtia Hills District.

Ka seiñ da ong ko wa da yoo wyrai u pait ya ki warep ka District heiwa da ki hajar ngut da dooh myntoi ki naka PM-Kisan Samman Nidhi khamtam hapoh ka Sumer Elaka wei da dooh nong bha ki neidaw wym yoh ki ya kani ka Scheme kawa man i hok yong ki.

ADVERTISEMENT

Chooh chooh da ong wa ki warep ha kylleiñ ka ri da yoh ki ya ka poisa yarap tangwa neidaw wym chimkhia ka sorkar jylla kamjooh kani ka Bank, kiwa boon ki warep da lai rah ki yeini hakhmat ka seiñ neidaw wym bna leh u Branch Manager kamjooh kiwa kreh wow yarap ya ki.

Ka PM-Kisan toh ka Scheme ka sorkar pyrdi kawa e yarap T. 6000 ka poisa chi snem cha ki warep wei da krehkaam ko nadooh ka 01-12-18 deiwa phah bait ya ka poisa cha ki Bank Account ki warep wei i kaam ka sorkar jylla toh wow jied ya ki warep yow yoh ki ya kani ka poisa tangwa ymtip yei daw wa da slem kani ka Bank wow pynkrehkaam ya kani ka Scheme.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

“Kiwa kreh kani ka Bank toh kiwa khlemakor bha iwa da pyndooh mynsien ya ki warep hanla i kaamram ki toh wow chakri paidbah,” da ong u Sakilan Chyrmang.

Hawa yaklam wa u DC, da kular u wow yaklam wa kani ka Bank yow pynbait ya ini i kaam yow pyntikna wa ki warep yoh ki yei hok yong ki.