Ynne ka sngi, ka Jaiñtia National Council (JNC) hapoh i yahkhmat u Training Phawa, Finance Secretary JNC-CEC deilang wa ki dkhot wa kiwa yahkhmat ka seiñ da lai ki wow ujor ha u DMHO ka East Jaiñtia Hills District hajrong i wym yoh bordiñ ka Tuber Sub-Centre la kamwa 3-4 bnai.
Ha i yachem wa u DMHO da kylli ileh kat da ka thaw sumaar ym ye wow pynbiang bordiñ deiwa kyntu leh wow pynbiang yeiwa emkaam kani ka thaw sumaar kawa chaniah ki bru na ki thaaiñ wa jngai na sor khnang wa ki paidbah ym dooh kyrmen ki ha kam ini i por wa ye i bor ka rym-aw wow pynyoo ki yei bor.
Neiliang yong u DMHO da pyntip u wa i dooh bordiñ toh neidaw wym em su bai bordiñ ka sorkar hanla kattæ leh da kular u hakhmat ka seiñ wow chimkhia yeini i kaam wei wow pha leh wut-wut ya kiwa toh u pait ya ka bordiñ neibynta i bha i miat wei chngaaiñ yong ki paidbah.
Discussion about this post