Mawryngkneng: Ka KSU Mawryngkneng Circle hadien wa yoh yutip ko iwa tikna wa em ki baar jylla kiwa khlem ki kot ki sla næ ki Work Permit kiwa wan kreh ha Mawpdang Mawkhanu Toll Gate, ka seiñ da pyntip ki wa da e dorkhat ka seiñ cha ka u Labour Inspector ka Mawryngkneng C&RD Block wa cha ki pulit ka Mawdiangiang Police Outpost wow pynman i sylli ha kani ka Toll Gate wei da chem wa kat dang lai ki sngi dang roi ki baar jylla hapoh kani ka thaw.
Haka 22 tarik uni u bnai ka seiñ hapoh i yahkhmat u Reallystar Nongspung uwa man kam u President ka KSU Mawryngkneng Circle, u Raymond Kharjana Environment & Cultural Secretary ka KSU Shillong Mihngi Circle wa kiwi kiwi da hiar sylli ki ya kini ki kot ki sla ha kani ka thaw.
Ha ini i sylli da chem wa kiwa kreh toh du kiwa khlem kot khlem sla iwa da tyngkheiñ ya ka aiñ kawa tip kam ka Meghalaya Inter State Workmen (Regulation of Employment and Condition of Service) (Amendment) Rules 2011.
Ha katai kajooh hi ka sngi ka seiñ da lai ujor ko ha Mawdiangdiang Police Out Post pyrchah ya katai ka Company wa tyngkhein aiñ wow dawa wow pynchitom ya ka katkam ka aiñ.
Kani toh katkam ka khubor na u, Apsharai Mawthoh, Organising Secretary yong ka KSU Mawryngkneng Circle.
Discussion about this post