15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Ujor ka KSU pyrchah ya ki wakreh ka Post Office Thangrain

Advertisement ad1

Ynne ka sngi, ka KSU Thangrain Unit hei yahkhmat u President u Hababiangki Biam, u General Secretary u Iaraplang Dhar wa u Education Secretary u Riphaidien Dhar deiwa emlang u Assistant Secretary u Bormi Liam da lai ujor ki cha ka Sub Division Inspector Jowai wa katkam wa man katte ki wakreh ha ka Post Office Thangrain kawa ksoh yei kaam Mail Delivery Mail Carrier ym em u kreh ko yei kaam wa toh u leh, heijooh i por leh ym ye ko u pynpoi yaki kot ki sla heipor wa biang, khamtam iwa sih dooh toh ym jooh lai e kot ko da ka cha kiwa toh sap u yoh.

Ka seiñ da ong ko leh wa sa uwi won uwa ksoh ya i kaam Branch Post Master uwa toh u em hapoh yung krehkaam, da chem ka seiñ wa ym jooh em u hapoh ka yung krehkaam chisien chi bnai leh kattu da dap hadooh chi snem.

Advertisement ad1

Kamtæ ka seiñ da beiñ joor ko ya kini ki wakreh ka Post Office Thangrain wei da dawa ko na ka Sub Divisional Inspector Office Jowai hapoh chi tayaw wa emkaam u kreh ki yeiwa toh u kreh ki kamwa da kular ko hakhmat ka seiñ ynne ka sngi.

“Ka seiñ daw lai bood biang ko ya kini ki wakreh lada ym wan kreh ki kamwa da dawa wei lada ym leh ya ini, daw chim da kiwi tawan ki luti,” da ong u Daeimi Liam uwa e buit ka seiñ.

Kani man ko katkam ka khubor na u Gratify Pran, Assistant Publicity Secretary. 

Share this:
Previous

Pynkup burom u BDO ka Amlarem ya u khynroo wa chah jied ha ka FC Goa

Next

Ym ye ka sorkar jylla wow tuklar ha NEHU tangwa da paan da u VC wa pura: Prestone