theme-sticky-logo-alt
theme-logo-alt
Advertisement ad1
Advertisement ad1

Ujor ka KSU Wapung Unit wa yoh Aadhaar ki baar jylla kam kiwa chong chnong ka Moolamanoh

Advertisement ad1
Advertisement ad1

Hadien wa yoh ujor na ki khon khynroo ka chnong Moolamanoh, ka KSU Wapung Unit ynne ka 12 tarik da lai booh dorkhat ki ha u Deputy Commissioner yong ka East Jaiñtia Hills yow pyrchah yei yoh Aadhaar Card ki baar jylla ha ka chnong Moolamanoh.

Neiliang ka seiñ da kyrpaad wei dawa ko ya u Deputy Commissioner wow pyndam syndon ya ki pyrtuid ki baar jylla kiwa da kam ya idæ kam ki tre chnong yong ka chnong Moolamanoh.

Ka seiñ da beiñ joor ko ya u waheh chong ka Moolamanoh wa toh nei leh u, kini ki baar jylla da ye ki wow pynemkaam yei pyrtuid yong ka chnong hawa thap pyrtuid ki wow yaleh Aadhaar Card.

Ka seiñ da kyntu ko ya kiwi ki waheh chnong wa toh u khanglaad ya ki baar jylla kiwa wan wow buhai chnong wei ym toh leh wow e kiwon kiwon ki Certificate ya ki baar jylla.

Kamtæ ka seiñ da ong ko wa uni u waheh chnong da pynemkaam bakla u yei bor yong oo uwa lai lait ya ki kyndon aiñ yong ka 6th Schedule. Neibhah wym ye wow pynkup bor ya ki baar jylla (Non-Indigenous People) wow man tre chnong. Wei Ini da booh ko hei maa ya ki pateiñ wa daw wan wa lada boon ki bru kiwa chet kylla wei dai tohdor cha kiwa na baar ri, ye ko wow man kamwa ong u Soso Tham “Daw man i kiwa thoh dieñ wa kiwa tong um yong uyi re uyi” deiwa pynrap wa ym toh u jia kamwa da jia ha ka jylla Tripura.

Ha ka Aadhaar yong kini ki bru da thoh kam kiwa chong chnong ka Moolamanoh wei i kur ki toh ki Lama, Mungleng, Tamang wa Sherpa.

Share this:
Previous

Ynne ka sngi wa boon dooh ki bru wa poi wa mih na Shillong Airport

Next

Yoh kem ki pulit ka Delhi ya u Mohd Asraf u Terrorist ka Pakistan wa da sah ha India palat 10 snem