theme-sticky-logo-alt
theme-logo-alt
Advertisement ad1
Advertisement ad1

Yoh kem ki pulit ka Delhi ya u Mohd Asraf u Terrorist ka Pakistan wa da sah ha India palat 10 snem

Advertisement ad1
Advertisement ad1

U Mohd Asraf uwa man kam u Terrorist uwa na Pakistan da yoh kem ya oo na Laxmi Nagar, Delhi da ki Delhi Police Special Cell ynnin ka sngi wei da rah leh ya oo hakhmat ka Patiala House Court ynne ka sngi kawa da phah wow ksoh ki pulit ya oo 14 sngi.

Ya u Asraf da rah hakhmat u Chief Metropolitan Magistrate, Pankaj Sharma.

U Deputy Commissioner ka Police Special Cell, u Pramod Kushwaha ynne ka sngi da pyntip u wa uni u nong Pakistan da im hapoh ka ri India palat 10 snem deiwa kam toh u nong India.

Da pyntip leh wa u Mohd Asraf man u uwa embynta ha ka Sleeper Cell namo kiwa im kam kiwi ki bru kat wym pu phah ya ki wow leh yei kaam wei da embynta u leh yow pynkhreh ya kiwa boon ki kaam damok.

U tre yung wa sah u Asraf da kular u wow krehlang wa ki pulit.

U Asraf da em leh u ya ki ID Card kam u nong India deiwa pynemkaam ya ki kot wa chna thok.

Na uni da yoh leh wow kem ya kawi ka suloi AK-47 wa 60 tylli ki kuli, uwi u Hand Grenade wa ar tylli ki Pistol deilang wa 50 tylli ki kulit.

Ya u Asraf da pynngat hapoh ka Unlawful Activities (Prevention) Act, ka Explosive Act, Arms Act wa kiwi de. Da man u leh kam chibynta ka Sleeper Cell wa heh bha katkam wa pyntip ki pulit.

U Asraf toh u tre chnong ka Narowal, ka Punjab Province wa em ha Pakistan. Ki pulit dang pteiñ ki wow kynreh yei thaw sah u ha Ramesh Park, Laxmi Nagar wei da kem ya oo heipor 9:20 i miet ka 11 tarik.

Share this:
Previous

Ujor ka KSU Wapung Unit wa yoh Aadhaar ki baar jylla kam kiwa chong chnong ka Moolamanoh

Next

Pynchlur u DC ka East Garo Hills wow pynemkaam da ki muna that wa chna pyn da ki bru ka District