Ka Narpuh Border Area Joint Action Committee da ujor ki ha u Deputy Commissioner ka East Jaiñtia Hills District hajrong i chlai um u sarok NH-06 ha ki bynta ka yaw Lumshnong hadooh wa poi cha Lumshnong Police Station man-u-snem mar ya hiar slap.
Ha ka ujor da ong wa ini da ktah joor ko ya kiwa lai wa wan na uni u sarok heiwa da hap ki wow sangeh yow yang da ki kynta neidaw wa joor sahkut ki kari hadooh wa da em ki kari wa sih na ini i daw.
Da kyntu ya u DC wow leh iyi re iyi heiyatoh wa ini deiwa pyntip leh wa ki paidbah ym em laad de ki da iwi lait noh deiwa khang ya ka Toll Plaza wa em ha Lumshnong neibhah iyi mut wow chim bai lai luti lada ya u sarok ym ye u chna pynmiat.
Da e por leh ya u DC chi tayaw wow leh yeiwa emkaam heiwa neiliang yong oo da kular wow leh smat yeiwa emkaam.