U Secretary ka Meghalaya Pradesh Congress Committee (MPCC) u Erwin K Sutnga da ong u wa ki bru wa sñiawthooh ya ka yurim ka Congress, kiwa sñiawthooh wa emkaam yei kylla kamjooh ki bru kiwa sñiawthooh yei maa ya ki jaitbru khian paaid, da kwah ki wow wanrah ya i synchaar wa krehkaam neibynta i bha i miat ki paidbah, ya ini da ong u hawa kylli ya i kylla hapoh ka seiñ khamtam ha ki bnai wa dadep wa ka seiñ da sakhi ko hapoh jylla.
Da ong u wa ym em yooluti u wa ka Meghalaya Pradesh Youth Congress (MPYC) u khlan biang ko, tangwa kamwa man kattæ da em da ki arphaw hadooh lephaw ngut kiwa psiah dkhot hapoh ka jylla wei ini pynyoo i ya ki dak wa bha.
U Erwin da e nongmuna u ya u kyrtong ka Party na Mowkaiaw Constituency, u Nehemayah Tyngkan u wym em u chim rai ya ka Party heipor wa pynbna u wow yakhun ya ka Election ha u 2023 tangwa hadien wa yaklam wa kiwa kyrchaan kamjooh ki paidbah ka Constituency da rai noh u wow yakhun na ka Party.
Da pynrap u deiwa ong wa kattu iwa sah toh ya ki paidbah wow chim ki ya ka luti wa thymme hei rukom pyrkhat wa ka thong (Ideology) ha ki kaam saiñhima.