Tura: Ki san seiñ na ri-loom Garo wa kynthup ya ka ADE, AYWO, FKJGP, GSU waka Hindu Samshan Bhoomi Committee ynne ka sngi da thoh ki cha u DC ka West Garo Hills neidaw wa joor wa ood wei thai ki sur wa mih naka Masjid wa em ha Tura Bazaar wei emkaam u pyndam noh ya kini ki tanghæng.
Kini ki seiñ da ong ki wa da yoh ki boon ki ujor wa ki tanghæng wa em ha kani ka Masjid da pynemkaam bakla ya ki cha palatpood.
Kini ki seiñ da ong ki wa sñiawthooh hi ki yeiwa pynemkaam ya kini ki tanghæng ha ki sngi wa kyntang ki Muslim tangwa ha Tura da pynemkaam ya ki nadooh i step hadooh wa miet iwa da pynthut ya ki paidbah.
Da ong wa ini da ktah ko yei thiah i dem ki paidbah nadooh ki waheh hadooh ki khonboo kamjooh ha ki por wa man skur ki khynnah.
Da ong ki leh wa ki tanghæng toh kawa chna da u bru ym em man ko kam chibynta ka niam wei u khang noh wow pynemkaam ya ki ym tyngkheiñ ko ya ka Article 25 wa 26 ka Constitution ka ri.
Ka seiñ leh da ong ko wa ka Supreme Court ka ri da khang ko wow pynemkaam ya ki tanghæng tangwa ha ki sngi wa kyrpang ye u chah u pynemkaam ya ki hadooh i miet wei ka sorkar leh 15 sngi chi snem ye ko wow e bor u leh ya ini tangwa da em leh ki kyndon wa hadooh katwon kini ki tanghæng ye ki u ood.
Da ong leh wa hadooh ki ri Muslim kam ka Pakistan waka Malaysia da khang ki wow pynemkaam ya ki tanghæng.
Kini ki seiñ da ong ki leh wa ym em pyrchah ki yei hok ki Muslim wow mane blai tangwa wow khut wan mane blai san sien chi sngi ha kani ka juk wa katni da man ko kamwa pynbor ya ka niam yong ki ha kiwi.
(Feature image for representational purpose)
Discussion about this post