U kyrtong ka National People’s Party, na 3-Raliang Constituency, u Comingone Ymbon ynne ka sngi da ujor u ha u IC ka Raliang Police Outpost pyrchah ya ki damok ki wym tipmit kiwa da chna ya i Video thok wei iwa da pynpoor katni ha ki Social Media.
Ini i Video toh iwa da chna heiwa da em uwa klam ya ki kyntien wa ong wa yachem u Coming wa u kyrtong ka PDF u Shemhok Garod ha iwi i thaw hapoh kseh.
Neiliang u Comingone da ong u wa ha kani ka sngi da lai yachem u ya uwi na kiwa kyrchaan yong oo wei ym em iwon iwon leh kam itæ i yachem wa u Shemhok wei ini i Video da yahbakla i ya ki paidbah ka Constituency.
Ha ka ujor da e leh ya i Number ka kari wa pynemkaam kini ki bru wa riñ Video kawa ML-04C-4458 deiwa kyntu ya ki bor ka aiñ wow leh yeiwa emkaam.
Chooh chooh u Comingone da ong u wa ki paidbah ymtoh u ngait ki ya kam kini ki Video kiwa da chna thok du da ki thmu wa sih cha lyndet.
