Shillong: Uwi na kiwa ye u yakhun ya ka Election 2018, u Tony Marbaniang ynne da ujor FIR u pyrchah ya u John Anthony Lyngdoh uwa man leh u Vice-president BJP hapoh ka jylla wa da daisarom u oo.
U Marbaniang uwa da psiah leh kam u dkhot ka Bharatiya Janata Party (BJP), da e u leh ya ka sabut video ha u Officer-in-Charge ka Sadar Police Station ynne.
U Marbaniang da ong u wa da chah pynbaad heh u ha ka yalang Oakland Community Hall, Bivar Road ha kani ka 14 tarik.
U Lyngdoh uwa da mih na ka United Democratic Party (UDP) ynnin snem wei da ksoh u yei kaam Vice President BJP Meghalaya State Unit.
Hei jooh i por u Marbaniang da pyntip u wa daw pynman da ka chong kylleiñ myngor ha khmat ka yung krehkaam ko yow dawa wow leh yeiwa emkaam pyrchah ya uwa yahkhmat ka BJP.
“Nga daw chong oo ha khmat i yung krehkaam kani ka seiñ wei u leh O hadieñ chi sngi ar sngi wei daw pynsñiaw O leh chadooh cha Delhi yow yoh yei hok yong nga” da ong u Marbaniang.
Da ong u leh wa oo dawa u leh na u Lyngdoh wow khut u ya ka yalang paidbah wow pynche lut u yeiwa pynbaad u ya oo wei wow pynbiang u ya ka sabut wa biang.
Hei yatoh won hei yatoh wa kiwa kwah u yieñ Election da ong u wa ympu em pyntip u cha ki heh ka party ya ka luti wa lai u neibhah uwa ujor pyrchah ya oo katni man u kam u Vice President ka party.
Kam wow pynkynmoo u Marbaniang jooh man u kam u President warim ka Hynniewtrep National People’s Movement (HNPM).
Ha wa kut u Marbaniang ong u wa dang kwah u yieñ kam u BJP ha kani ka Election MLA wa daw wan.
Discussion about this post