Ujor u Kyrmen Shylla ha u DEO hadien wa chah beh u Polling Agent u yong oo

Jowai: U kyrtong ka UDP na Khliehriat Constituency u Kyrmen Shylla ynne ka sngi da ujor u ha u District Election Officer ka East Jaiñtia Hills District hadien wa cha beh u Polling Agent yong oo ha Khliehriat West (A) Polling Station.

Katkam ka ujor da ong u wa da booh u ya u Polling Agent ha kani ka thaw tangwa kiwa heh ka Khliehriat West won da beh ki oo na kani ka Polling Station deiwa maham ya oo wa ymtoh u poi biang u cha kani ka Polling Station hadooh wa haap yut u na kani ka thaw.

U Kyrmen leh da ong u wa u Presiding Officer ym em leh u iyi iyi leh hei yatoh wa ini wei chong pait hi-eh u wei hadooh u Polling Agent u Kyrmen ym em yohlaad u wow thap Vote katkam i hok yong oo.

Hei yatoh wa ini u Kyrmen da kyntu u wow pynchitom ya kiwa emkti ha kani ka kaam hadooh kiwa kyrchaan ya oo leh da syir mynsien ki wow thap Vote.