Shillong: U MDC ka PDF na Mawkyrwat uwa man leh u dkhot ka People’s Democratic Alliance (PDA), u Hadrian Lyngdoh da ujor u ha ka dorbar ka KHADC wa da yoh u ya ki Message khlemakor na u number 7005635969 ha ka chiteiñ synyaaw yong ka 13 tarik uni u bnai, kawa chwa ka por wow jied ya u CEM wa thymme.
U Hadrian da ong wa heipor wa yoh u yei Message dang thiah u wei hei step da yoh u yoo ya ini i message kiwa da em da ki ktien wa khor bha.
Da pybaad u wa uni u number toh u yong uwi na ki MDC ka KHDA neibhah da poi i ha chwa ka dorbar jied ya u CEM wei da em bait i yatoh wa ka kynrum kynram wa jia ha KHADC.
Da ong u leh wa ym tip uyi wa phah tangwa ye u man uwi na ki paralok MDC kiwa leh ya kani ka kaam, wei da kyntu u ya ka yung dorbar wow chimkhia ya ini neibhah ka yung dorbar man ko kawa khlan.
Hawa jubab ya ini i yong u MDC ka Mawkyrwat neiliang u Chairman wa thymme u Teinwell Dkhar da ong u wa ini i jia toh cha palat ka Council, u MDC toh u ujor u cha ka aiñ yow chemdien ya kiwa leh ya ini i kaam.
Discussion about this post